Хамас подготвен за преговори со Фатах и потоа за општи избори во Палестина
Палестинската група Хамас соопшти дека е согласна да води преговори со противничкото движење Фатах за распуштање на административниот комитет во Појасот Газа и за оддржување општи избори, јавија светските агенции.
Хамас преку коминике соопшти дека е подготвен да и го препушти управувањето со Појасот Газа на Владата за национално помирување, која ќе биде добиена по овие избори.
Палестинските територии уште од 2007 година се поделени меѓу двете непријателски влади, кога Хамас ги потисна силите на претседателот Махмуд Абас од Појасот Газа. Оттогаш неговата фракција Фатах управува само со автономните зони на Западниот брег.
Досега беа направени неколку неуспешни обиди за помирување меѓу Хамас и Фатах и формирање единствена влада, која ќе управува со Појасот Газа и Западниот брег.
Хамас, меѓутоа, беше ослабнат од израелската и египетската блокада, од трите војни со Израел и меѓународна изолација. Економијата во Појасот Газа е во многу лоша состојба и луѓето кои тука живеат имаат струја само по неколку часа на ден. Дополнителен притисок врз групата изврши и Абас, откако престана на Израел да му ја плаќа сметката за електрична енергија потрошена во Појасот Газа и ги намали платите на тамошните чиновници.
Египет неодамна на преговори ги покани лидерите на Хамас, а минатата недела Абас, исто така, испрати делегација со свои претставници во Каиро.
Во синоќа објавеното соопштение Хамас ги поздрави „несебичните египетски напори, кои ја одразуваат желбата на Египет да се заврши со расколот и да се постигне помирувањето“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово