Гутереш нов генерален секретар на ОН

Поранешниот португалски премиер Антонио Гутереш е новиот генерален секретар на Обединетите нации.

Договорот за тоа е постигнат на неформалното гласање во Советот за безбедност на ОН, зад затворени врати, а одлуката ја соопшти постојаниот руски претставник во ОН Виталиј Чуркин.

Гутереш добил поддршка од 13 членки на Советот за безбедност, а две држави биле воздржани.

На денешното гласање Гутереш не доби ниту еден негативен глас од постојаните членки со право на вето.

Чуркин изјави дека одлуката на Советот за безбедност ќе биде официјално потврдена утре, по што за Гутереш треба да се изјасни и Генералното собрание на ОН.

Гутереш веста ја објави на својот Твитер профил.