Група ученици и наставници од Турција во посета на општина Ѓорче Петров

Група од 28 ученици и наставници од училиштето „Омар Март“ од Чанакале, Турција, предводена од директорот на училиштето Ферхан Сербес ја посети општината Ѓорче Петров.

Добредојде на групата и посака градоначалникот Сокол Митровски, кој во своето обраќање ги истакна досегашните искуства за соработката со училишта од збратимениот град Кушадаси во Турција со кои години наназад соработуваат ООУ „Мирче Ацев“ и ООУ „Ѓорче Петров“.

Како што се наведува во соопштението на општината, на средбата со градоначалникот гостите од Турција ја истакнале заинтересираноста и на општината Чанакале за продлабочување на меѓусебната соработка на спортски, културен и образовен план.

Новото пријателство и збратимување е на иницијатива на учениците и наставниците од училиштето „Омар Март“, додека посетата е на покана од директорот на „Страшо Пинџур“ Методи Наковски.