Груби оствари средби со двајца американски конгресмени
Претседателот на собраниската Комисија за европски прашања и пратеник Артан Груби во САД оствари средби со конгресмените Дејвид Прајс и Пит Висклоски.
Тој отворено и директно побарал помош за одблокирање на сите пречки што и стојат на Македонија на патот кон НАТО и посочил дека директниот придонес на САД е неопходен во овој процес.
На средбите со двајцата конгресмени, како што соопштија од Кабинетот на Груби, била потврдена поддршката од САД за Македонија и потребата за поголем ангажман на САД за Западен Балкан. Конгресмените се заложиле за конкретни чекори во Вашингтон во правец на евроатлантската интеграција на Македонија.
На средбата со конгресменот Прајс, кој е копретседавач на Партнерството за демократија на Американскиот конгрес, се разговарало за интеграцијата на Македонија во НАТО и ЕУ и системските реформи што се спроведуваат, а Груби информирал и за преговорите за спорот со Грција при што ја побарал поддршката од САД за постигнување взаемно прифатливо решение.
На средбата со конгресменот Висклоски станало збор за предизвиците на Југоисточна Европа на патот кон ЕУ и НАТО, перспективите на Македонија во Алијансата и поддршката на САД за Македонија и земјите на Западен Балкан.
Претходно, Груби учествуваше на редовниот форум за геополитика на Балканот на кој присуствуваа и сенаторот Џејмс Инхоф и конгресмените Роберт Адерхолт и Роберт Питенгер.
Груби се сретна и со директорот на ИРИ за Европа, Јан Сурочак и со заменик-директорот Пол Мекарти од кои побара да ги интензивираат програмите во Македонија, особено во правец на градење реформски консензус и подигање на демократскиот капацитет на институциите.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми