Голем е интересот за вакцинација против сезонски грип
Мошне голем е интересот за вакцинација против сезонски грип, изјави денеска раководителот на Одделението за епидемиологија при Центарот за јавно здравје Скопје, Билјана Даниловска.
Вакцинацијата се одвива во повеќе ординации, во едни, како што посочи, се вакцинираат лицата над 65 години со пензија помала од 14.480 денари, односно со просечна и потпросечна пензија, како и за оние што немаат пензија, за кои вакцината е бесплатна, односно тие се преку „МојТермин“, а во други ординации се вакцинираат лица со наплата од 650 денари, чиј број од изутрината досега изнесува 300.
-Центарот за јавно здравје за подрачјето за Скопје обезбеди 4.000 вакцини за лицата кои ќе се вакцинираат со наплата, а Министерството за здравство предвиде 5.000 дози за скопското подрачје за сите за кои вакцините ќе бидат бесплатни. Работиме во две смени, а со пациенти од 7:30 до 18:30 часот, рече Даниловска.
Оваа година, појасни, вакцината е четиритипна и за северната хемисфера (според препораките од СЗО) каде и ние припаѓаме штити од два типа на А и два типа на Б вирусот на грип.
– Грипот е многу тешко заболување кое може да доведе и до повеќе компликации. Затоа е препорачливо луѓето да се вакцинираат. Вакцината е наменета за целата попуалција на возраст над шест месеци, но посебно индицирани, ризични групи се лицата над 65 години, лицата со хронични болести, намален имунитет, малите деца на возраст до пет години, сите кои работат во јавниот сектор и кои доаѓаат во контакт со многу луѓе меѓу кои се и здравствените работници, додаде Даниловска.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година