Тенис
12. January 2017 - 8:28

Ѓорческа ја постигна првата победа во Мелбурн

Македонската тенисерка Лина Ѓорческа ја оствари првата победа во квалификациите на Гренд слемот во Мелбурн, Австралија Опен. Таа во првото коло ја победи 135.та на ВТА листата Саша Викери од САД (18.носителка) со 2-1 во сетови. Мечот траеше 100 минути.

Првиот сет нашата тенисерка го доби со 6:2 во гемови, а противничката беше поуспешна со 6:3 во вториот сет. Во третиот сет Ѓорческа беше подобра со 6:3.
Ѓорческа имаше 11 ас сервиси, а освои шест поени повеќе од ривалката (99:93).
Во следното коло од квалификациите ќе игра против 18.годишната Унгарка Далма Галфи, која ноќеска ја победи Британката Тара Мур со 2-1 во сетови.