Германскиот државен министер за Европа, Михаел Рот утре во „виртуелна посета“ на Скопје
Државниот министер за Европа на Сојузна Република Германија, Михаел Рот утре ќе има „виртуелна работна посета“ на Република Македонија и средба со министерот за надворешни работи Никола Димитров.
Како што соопшти МНР, работната посета првично беше планирана да се оствари на вообичаен начин, а во контекст на очекувањата и изгледите за добивање одлука за почеток на ЕУ пристапните преговори. Со оглед на глобалните состојби поврзани со пандемијата на COVID-19, предвидено e таа да се реализира на дигитален начин, односно со воспоставување видео-конференциска врска, што, како што се посочува, претставува уште еден знак на силната германска поддршка и пријателство.
Притоа, како што се посочува, во фокус на разговорот се очекува да бидат, покрај начините за справување со предизвиците наметнати од пандемијата, размена на информации за последниот статус на дискусиите и подготовката на заклучоците за процесот на проширување на ЕУ во пресрет на Советот на ЕУ за општи работи, засега предвиден за 24 март.
Прес-конференцијата е предвидено да започне во 10:30 часот, во холот на Министерството за надворешни работи. Се охрабруваат медиумите да дојдат без сниматели за да ги следат препораките за превенција и заштита од корона вирусот. Видео материјалот од настанот може да се преземе од стримот во живо на МНР (Линк за следење во живо македонски јазик). Доколку новинарите не се во можност да присуствуваат на прес-конференцијата, прашањата може да ги испратат на pr@mfa.gov.mk најдоцна до утре, 9:00 часот, наведуваат од МНР.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава