Германската Влада усвои нов концепт за згрижување на бегалците
Германската Влада денеска усвои нов концепт за згрижување на бегалците и за политички координатор го именува шефот на Канцеларската служба Петер Алтмаер, додека оперативните, стручни, организациски, правни и финансиски аспекти на бегалската криза и натаму се во рацете на Министерството за внатрешни работи, пренесуваат германските медиуми.
Министерот за внатрешни работи Томас де Мезиер новиот концепт го оцени како напредок.
-Со денешниот нов концепт на Владата направен е еден натамошен важен чекор за и организациски да се излезе на крај со предизвиците во врска со големиот број бегалци, рече Де Мезиер, пренесоа германските медиуми кои вчера, најавувајќи го концептот, пишаа дека тоа, всушност, е шлаканица за де Мезиер.
„Веќе со недели владее хаос за бегалското прашање и сега на Ангела Меркел и е доста од тоа. Вкупната координација мора да биде поврзана во Канцеларската служба. Тоа е шлаканица за министерот за внатрешни работи“', објави политичкиот магазин „Шпигел“', со фотографијата на Мркел и Де Мезиер.
Печатот пишува дека канцеларијата на Алтмаер и натаму ќе биде во надлежност на министерот, но под водство на Канцеларската служба.
„Помошта за бегалците во Германија делува лошо организирана и од сите страни пристигнуваат критики. Сега пристигнува ново преструктурирање, а предводничката улога е на Канцеларската служба. Меркел сака нејзините најблиски луѓе да имаат одговорност...“, пишува германскиот печат.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето