Германија и Кина влегуваат во нова фаза на соработка
Односите меѓу Кина и Германија наскоро ќе влезат во нова фаза, најави денеска кинескиот претседател Си Џинпинг по средбата со германската канцеларка Ангела Меркел во Берлин, во пресрет на самитот на Групата 20 најразивени земји во светот, што во петок и сабота ќе се одржи во Хамбург.
- Кинеско-германските односи сега ќе имаат нов почеток со кој ќе дојдеме до напредок. Се надевам на нова рамка во која ќе бидат договорени нашите погледи за новите цели и плановите за нова соработка, изјави Си за соработката меѓу Германија и Кина.
Како што јави дописникот на МИА од Берлин, договорот за соработка кој денеска го потпишаа Меркел и Си се случува во период во кој и двете земји имаат нарушени политички и трговски односи со САД, кои што најавија дека ќе воведат нови принципи во трговијата, со цел да ја заштитат домашната економија.
Германија и Кина денеска се договорија за проширување на соработка во трговијата и вселенските истражувања, како и за заедничка помош за Авганистан и Африка.
Двете земји дополнително се во групата држави кои остро се противат на повлекувањето на САД од Парискиот договор за климатските промени.
Ново на Сител
-
Никој не знае кога ќе профункционираат хируршките сали на Клинички
-
Интензивни подготовки за матурски испит на средношколците во Штип
-
Во просек годишно во Македонија гинат 60 лица по глава на милион жители во сообраќајни незгоди
-
Со марш во Скопје одбележан светскиот Ден на лицата со мултипла склероза
-
Земјите од Западен Балкан потрошиле 3,5 милијарди долари за антикризните мерки
-
Без субвенции од општината јавните претпријатија не можат да функционираат
-
Преглед на вестите од светот
-
ВМРО-ДПМНЕ: 13-ти ден не работат операционите сали на Хиругија, СДС и ДУИ го оставаат здравството во хаос