Георгиевски и Павлевски признаа вина, постапката за нападот врз Села ќе се раздвои
Цео Георгиевски и Стојан Павлевски за кои Обвинителството по разгледувањето на новите докази го смени обвинителниот акт, од обид за убиство на пратеникот Зијадин Села во насилство за настаните во Собранието на 27 април лани, денеска пред судот ја признаа вината по новото обвинение.
- Ја признавам вината, го разбирам обвинението, рече Георгиевски.
Неговиот адвокат Дончо Наков побара, согласно новото обвинение, постапката против Цејо Георгиевски да се одвои.
И обвинетиот Стојан Павлевски, рече дека го разбира новото дело за кое се терети, и дека по дадените видео докази се чувствува виновен.
- Ја признавам вината. Се чувствувам виновен за делото за кое се теретам, рече Павлевски.
Двајцата обвинети кажаа дека свесно и доброволно ја признаваат вината.
Претседателот на Судечкиот совет судијката Славица Андреевска, по признанието на вина од обвинетите, кажа дека кривичното дело за насилство поведено по измените на обвиненеито се раздвојува од постапката за другите обвинети, кои се обвинети за обид за убиство.
За кривичното дело насилство, според законот, е предвидена затворска казна од шест месеци до пет години.
Судијката Андреевски по признанијата од Георгиевски и Павлевски даде пауза од еден час, по која се очекува да продолжи судењето.
За обид за убиство на Села, според новиот обвинителен акт, обвинети се седум лица: Кире Георгиевски, Оливер Ошавковски, Николче Димитриевски, Александар Јаневски - Тошта, Андреј Мицов, Никола Војминовски и Коста Делов.
Сите обвинети се присутни на денешното рочиште во Кривичниот суд
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари