Гасификација на средните училишта „Арсени Јовков“ и „Зеф Љуш Марку“
Во скопските средни училишта „Арсени Јовков“ и „Зеф Љуш Марку“ каде учат околу 4.400 ученици денеска беа пуштени во употреба новите котли на гас, кои ќе овозможат заштеда од 50 проценти на средствата кои досега се трошеле за греење. За реализација на двата проекта се потрошени 15 милиони денари, а според пресметките, се очекува повраток на инвестицијата за околу четири години.
Системите за греење на почетокот од грејната сезона ги пуштија во употреба градоначалникот на Град Скопје, Коце Трајановски заедно со директорите на СУГС „Арсени Јовков“, Јованка Аспровска и на „Зеф Љуш Марку“ Фарук Зекири. Трајановски информира дека досега гасификација е спроведена во две средни училишта - „Здравко Цветковски“ и „Георги Димитров“, а во тек е изработката на проекти за гасификација на уште седум средни училишта.
- Изработката на проектите ќе заврши до средината на следниот месец, кога ќе се распише тендер за гасификација на СУГС „ Д-р Панче Караѓозов“, а потоа и на: СУГС „ Марија Кири – Склодовска“,„ Владо Тасевски“, „Панче Арсовски“ и на другите средни училишта коишто локациски се поблизу до постојната транспортна мрежа со гас, истакна Трајановски.
Со реализација на овој проект Град Скопје ќе придонесе за подобрување на еколошката состојба на градот, затоа што ќе се замени користењето на течното гориво (масло за домаќинства, мазут) со природен гас.
Ново на Сител
-
САД го истражуваат протекувањето на строго тајни документи со детали за израелските планови за напад на Иран
-
Рама: Обединувањето со Европа е пат со две ленти, 100 отсто сум убеден дека во оваа деценија ќе станеме дел од ЕУ
-
Мицкоски ќе учествува на 20. Европски самит во Салцбург
-
Координатор на ОН за Блискиот Исток: Кошмарот во Газа се засилува
-
Маск ќе подарува по милион долари дневно до изборите на некој што ќе ја потпише неговата петиција
-
Околу 100 ракети истрелани од Либан кон северен Израел
-
Израел го нападна штабот на разузнавањето на Хезболах во Бејрут
-
Маж од скопско ја нападнал својата 19-годишна ќерка