Француски истражувачи ќе тестираат никотинска лепенка кај пациенти со коронавирус
Истражувањата во Франција покажале дека никотинот може да заштити од коронавирус, а во тек се превентивни и терапевтски студии на пациентите кои ќе се спроведат во париската болница „Ла Питие-Салпетриере“.
Хипотезата за заштитниот ефект на никотинот е поддржана од нискиот процент на пушачи меѓу пациентите хоспитализирани за „Ковид-19“ ширум светот, а добила и потврда во новата француска студија на 350 пациенти на болничко лекување и уште 150 кои имаат поблаги симптоми.
„Само пет проценти од нив се пушачи, што е несразмерно помалку отколку во вкупното население“, рече Захир Амура, професор по интерна медицина кој ја спроведе студијата.
Веднаш штом се добие зелено светло од министерот за здравство Оливие Веран, никотински фластери ќе се применуваат во различни дози на три испитувања – како превентива за медицинските работници, како терапија за хоспитализирани пациенти да утврдат дали ги ублажуваат симптомите и за пациенти со тешка клиничка слика кои се на интензивна нега, рече професорот Амура.
Студијата, се разбира, не треба да ги поттикнува луѓето да пушат цигари, велат истражувачите. Никотинот е сè уште штетен за белите дробови, срцето и општата здравствена состојба.
Ново на Сител
-
Путин во посета на Кина на 16 и 17 мај
-
Синдикатот на провестни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија