Филипче: Длабоко ме потресе она што се случи во Тетово - најдлабоко сочувство до семејствата на жртвите

Изразувам најдлабоко сочувство до семејствата на жртвите во оваа несреќа, со овие зборови министерот за здравство Венко Филипче ја започна денешната прес конференција. 

- Длабоко ме потресе она што се случи во Тетово и од вчера и во текот на целата ноќ целокупните капацитети на Министерството за здравство и на сите други институции се целосно мобилизирани за што побрзо да се утврдат причините за оваа трагедија, рече Филипче.

Министерот додава дека истрагата е во тек и замолува на трпение и исчекување на официјалните наоди по завршувањето на целокупната истрага.