Ѓоковиќ: Можеби веќе нема да се вратам на теренот во Мадрид
Српскиот тенисер Новак Ѓоковиќ навести дека можеби го одиграл својот последен натпревар на Мастерсот во Мадрид, откако во саботата загуби во второто коло од Италијанецот Матео Арналди.
Италијанскиот тенисер го победи четвртиот носител Ѓоковиќ со 6-3, 6-4 и се пласираше во третото коло, нанесувајќи му го на 37-годишниот Србин третиот последователен пораз.
Ѓоковиќ, кој ја брка својата 100. АТП титула, претрпе изненадувачки пораз во финалето во Мајами кон крајот на март, пред да испадне во второто коло на турнирот во Монте Карло претходно овој месец. Сите три порази беа во два сета.
„Очигледно, откако ќе загубите натпревар не се чувствувате добро, но имав неколку такви оваа година кога за жал бев нокаутиран во првата рунда“, рече Ѓоковиќ на прес-конференција во Мадрид.
Ѓоковиќ, кој го имаше своето деби во Мадрид во 2006 година и го освои турнирот во 2011, 2016 и 2019 година, последен пат победи на земјена подлога кога триумфираше над Карлос Алкараз во финалето на Олимписките игри во Париз 2024.
Одговарајќи на новинарско прашање дали го одиграл својот последен натпревар во Мадрид, Ѓоковиќ рече: „Можно е. Можеби да. Не сум сигурен дали ќе се вратам. Значи, не знам, не знам што да кажам. Мислам дека ќе се вратам, можеби не како играч. Се надевам дека нема, но може да се случи.“, изјави Ѓоковиќ.
Ново на Сител
-
Обвинителството презентира нови докази во врска со убиството на Вања и Панче
-
Следува период на претежно стабилно време, до понеделник пониски утрински температури
-
Фон дер Лајен: Путин покажа дека не сака мир
-
Македонскиот репрезентативец Митровски во трка за најдобар фудбалер во Хрватска
-
Откако го одбила ја претепал па ја силувал на паркинг во Сопиште, обвинение за 37 годишен скопјанец
-
Снег во Србија и Црна Гора
-
Палевски презентира докази за бројот на учесници во грабнувањето на Жежовски
-
Приведен 31-годишник од Македонска Каменица, возел под дејство на алкохол и без возачка дозвола