ФИФА:Швајцарија почна да ги екстрадира уапсените

Швајцарските власти во четвртокот објавија дека екстрадирале во САД еден од седуммината високи преставници на ФИФА, кои се обвинети за корупција. Името на лицето кое е екстрадирано не е објавено, но минатата седмица се појави информацијата дека Џефри Веб не се противел да биде израчен во САД.

 

Во мај годинава, непосредно пред почетокот на конгресот на ФИФА во Цирих, швајцарските власти, по налог на американското FBI, уапсија седуммина функционери на оваа организација. Уапсените се осумничени за корупција, измама и перење пари, а се товарат и за примање поткуп за СП-а во 2018 и 2022 година да им бидат доделени на Русија, односно Катар.

 

Истрагата против уапсените се води во САД.

 

Апсењата предизвикаа Сеп Блатер, кој неколку дена по акцијата во Цирих, го доби својот петти претседателски мандат во ФИФА, да ја најави оставката кон крајот на годината.

 

Покрај Веб, кој е државјанин на Кајманските острови и поранешен претседател на КОНКАКАФ, во мај во Цирих беа уапсени Едуардо Ли, Хулио Роча, Еугенио Фигуередо, Хозе Марија Марин, Рафаел ескувиел и Костас Такас. Сите тие се наоѓаат во притвор во САД и чекаат да бидат екстрадирани во САД.