Фатени потпалувачи на кабли во населба Злокуќани

Екипи на градските комунални инспектори при вршење редовна контрола пред објектот на поранешна Агромеханика во населбата Злокуќани, затекнале лица што спалувале кабли.

Како што информираат од Град Скопје, веднаш биле повикани полициски службеници кои на затекнатите лица им земале податоци и против нив ќе биде покрената соодветна прекршочна пријава. Запаленото сметиште, пак, било веднаш изгасено.

Градските инспектори продолжуваат со засилените контроли на терен и сите затекнати сторители што ја загадуваат животната средина ќе бидат ригорозно санкционирани, најавуваат од Град Скопје.