ЕуроНикел ќе ги тужи Транспаренси Интернешнл – Македонија и Тасева за клевета
ЕуроНикел, подружницата на инвеститорот во кавадаречки ФЕНИ Индустри - ГСОЛ, денеска најави дека ќе поднесе тужба против Транспаренси Интернешнл - Македонија и нејзиниот претседател Слаѓана Тасева, за клевета.
Според компанијата, Транспаренси Интернешнл-Македонија и Тасева, неосновано ги напаѓале Еуроникел и ГСОЛ во однос на стечајната постапка за ФЕНИ.
Како што оценува „Еуроникел“, единствена основа и извор за неиздржани наводи на Тасева и Транспаренси Интернешнл-Македонија се претходните сопственици кои го доведоа ФЕНИ во стечај, а вработените ги оставија неплатени.
- Оттука, поттикнати од целосното отсуство на интерес од ваша страна за причините кои го уништија ФЕНИ Индустри АД, како и за транспарентните обиди за негово заживување, а земајќи го предвид обемот на досегашна инвестиција на ГСОЛ/Еуроникел која преставува една од најголемите еднократни инвестиции во изминатата декада во Република Македонија, како и клеветничката намера и резултатите на вашето однесување, ве информираме дека ќе бидете соочени со тужба за да ги докажете вашите наводи и да ги аргументирате вашите неиздржани заклучоци за инволвираноста на ГСОЛ/Еуроникел во стечајната постапка на ФЕНИ Индустри АД, пред надлежните судови и органи, се вели во писмото од Еуроникел до Тасева и Транспаренси Интернешнл - Македонија.
Целта, дополнуваат, е не само да го заштитиме нашиот углед и репутација и да ја обелодениме мотивацијата за вашите јавни појавувања и реакции во врска со стечајниот процес и иднината на ФЕНИ Индустри, туку и заради искоренување на ризиците по иднината на фабриката, нејзините вработени, засегнатите страни, нашата инвестиција и интересите на македонската економија“.
Ново на Сител
-
Тема на денот со Лилјана Поповска
-
Гордана Силјановска Давкова положи заклетва во Парламентот и ја презеде функцијата претседател
-
Гордана Силјановска Давкова положи заклетва во Парламентот и ја презеде функцијата претседател
-
Ни Северна, ниту Република: Силјановска се заколна во Македонија - стигнаа реакциите
-
Борисов: Мицкоски ми е добар пријател, го повикувам да престане да зборува, изборите поминаа
-
Дали градинките не треба да примаат родители на завршните приредби поради голема кашлица?
-
Македонските водичи бараат поголеми контроли од инспекторите
-
Националната мрежа на земјоделци бара системски решенија за македонскиот аграр