ЕУ во обид да го спаси нуклеарниот договор со Иран
Министрите за надворешни работи на ЕУ денеска се среќаваат во Брисел, а една од точките на дневен ред се тензиите помеѓу Иран и САД кои го доведуваат во опасност нуклеарниот договор со Техеран, јави дописничката на МИА од Брисел.
– Ќе гледаме како можеме да го сочуваме нуклеарниот договор со Иран и како да воспоставиме мерки кои ќе овозможат Иран да се врати кон целосно усогласување, изјави шефицата на европската дипломатија, Федерика Могерини утрово пред почетокот на состанокот.
Во 2015, САД, Иран, Кина, Русија и трите големи ЕУ членки, Франција, Британија и Германија потпишаа акциски план кој предвидува, меѓу другото, нуклеарно разоружување на Техеран, во замена за постепено укинување на санкциите врз земјата. Но, администрацијата на Доналд Трамп минатата година одлучи да се повлече од оваа спогодба и повторно да воведе рестриктивни мерки врз Иранците.
Иранските власти оттогаш не ги почитуваат целосно одредбите од спогодбата и повторно почнаа да ги зголемуваат резервите на збогатен ураниум над дозволеното.
Министрите за надворешни работи на ЕУ денеска ќе се обидат да изнајдат решение за спас на овој договор и за да се спречи Иран да продолжи да го прекршува.
На агендата на министрите денеска се наоѓаат и Ирак, Централноафриканската Република и Молдавија, а ќе се разговара и за надворешниот аспект на миграциските прашања како што се договорите со земјите на транзит на африканскиот континент.
Ново на Сител
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг