ЕУ не ги поддржува санкциите на САД против Додик
Санкциите на САД против претседателот на Република Српска, Милорад Додик, не се поддржани од ниту една членка на Европската Унија, јави ТВ каналот „Ал Џезира".
Вчера се одржа нова средба на работната група на дипломати од ЕУ, каде се разговарало за санкциите кон Додик. И покрај едногласната одлука и заклучокот да не се следи политиката на САД, европските дипломати се согласиле дека е неопходно натамошно внимателно следење на состојбите во Република Српска.
Американското Министерство за финансии во вторникот објави дека воведува санкции против Додик засновано на указ што дозволува „да се воведуваат санкции против лица и организации што го поткопуваат или пак, можат да го загрозат Дејтонскиот договор од 1995 година".
Според официјален Вашингтон, Додик „активно го попречува" спроведувањето на документот.
- Милорад Додик претставува реална закана за суверенитетот и територијалната целовитост на Босна и Херцеговина. Со денешната одлука се потцртува ангажманот на САД кон запазување на Дејтонскиот договор и поддршката на меѓународните напори за европска интеграција на земјата, се вели во соопштението на американското Министерство за финансии.
Спроти 9 јануари, денот што босанските Срби го слават како Ден на Република Српска, Додик изјави дека Босна и Херцеговина како држава е осудена на пропаст и единствениот исход од таа ситуација е нејзин мирен распад на неколку одделни независни држави.
Ново на Сител
-
Нетанјаху ја распушти воената влада
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје
-
Активен пожар во Негорци, регистрирани 15 пожари на отворено во изминатото деноноќие
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни