Ердоган: Референдумот на ирачките Курди е грешка и закана за територијалниот интегритет на Ирак
Турскиот претседател Реџеп Тајип Ердоган денеска остро ја критикуваше одлуката на властите во ирачкиот регион Курдистан за одржување референдум за независност, нарекувајќи го овој чекор грешка и закана за територијалниот интегритет на земјата.
- Чекор кон независност на северот од Ирак е грешка и закана за територијалниот интегритет на Ирак, кој ние секогаш го браневме и ќе продолжиме да го браниме, рече Ердоган, кој смета дека „референдумот никому не му е во интерес“, пренесоа француските медиуми.
Турција се гордее со своите добри односи со автономната Курдистанска регионална Влада (КРГ) на север од Ирак, чиј лидер Масуд Барзани е чест гостин во Анкара, но Турција секогаш вниматепно го следи секој потег во правец на целосна независност на овој регион, напоменуваат француските медиуми.
Барзани на 7 јуни најави дека на 25 септември во курдските области од Ирак ќе се одржи референдум, а на гласачите ќе им биде поставено прашањето дали сакаат посебна држава.
Гласањето не е обврзувачко, но овој потег го вознемири Багдад.
Анкара и натаму се бори против бунтот на Курдската работничка партија (ПКК) која повеќе од три децении се обидува на Курдите да им обезбеди автономија на југоистокот од Турција, при што досега десетици илјади лица го загубиле животот.
Повеќето Курди се сместени меѓу Иран, Ирак, Сирија и Турција, но само во Ирак се стекнаа со призната автономија.
Ново на Сител
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ
-
Пелистер го совлада Работнички, ќе игра со МЗТ за титулата