Ердоган: Договорите меѓу САД и Турција стануваат неважечки
Турскиот претседател Реџеп Тајип Ердоган изјави дека односите меѓу САД и Турција се крајно влошени, откако американски суд во средата осуди директор на турската „Халк банка“, Мехмет Хакан Атила за кршење на санкциите кон Иран.
- Ако Американците вака ја разбираат правдата, тогаш светот е готов. Нека ми простат САД, но законите за нашите билатерални врски и билатералните договори меѓу нас ја губат својата валидност. Јас жалам за тоа, но така ќе биде од сега, па натаму. САД вршат серија на заговори, кои не се само правни, туку и економски, изјави Ердоган.
Како што јави МИА, турското Министерство за надворешни работи исто така реагираше по пресудата за Атила, велејќи дека одлуката на Судот во Њујорк е мешање во внатрешните работи на Турција.
Атила беше обвинет за организирање на низа договори за трговија со злато и храна со кои се избегнале санкциите воведени кон Иран и им се овозможило на Иранците да тргуваат со други држави.
Според Турција, клучниот сведок во процесот против Атила е дел од мрежата на муслиманскиот проповедник Фетула Ѓулен, кого Турција го обвинува дека стои зад обидот за државен удар во јули 2016.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром