Експлозија во руска база во источна Украина, повредени најмалку 25 лица
Во експлозија за време на артилериски оган во градот Макијевка во источна Украина, повредени се 25 лица, соопштија руските власти.
Водачот на регионот Доњецк, назначен од Москва, Денис Пушилин, изутрината на својот канал Телеграм рече дека две деца се меѓу повредените во нападите на градот што го зазедоа руските сили во 2014 година.
„Експлозијата ја почувствуваа повеќето жители на Макијевка и Доњецк“, рече Пушилин.
Според него, оштетени се станбени згради, болница, училишта и градинка. Нa украинскиот Телеграм канал StratCom објавена е снимка од мобилен телефон од силната експлозија во градот, во која се тврди дека станува збор за напад врз руска воена база.
Украинците рекоа дека експлозијата била толку силна бидејќи при гранатирањето било погодено складиште за гориво или муниција. Според руските воени блогови, за гранатирањето биле користени артилериските ракети ХИМАРС, кои Украина ги добила од САД.
Претходно, Пушилин пријави двајца загинати во гранатирање во регионот на Доњецк. Информациите од завојуваните страни не можат да бидат независно проверени. Макијевка беше местото на смртоносниот украински напад врз импровизирана руска касарна минатата новогодишна ноќ.
Ново на Сител
-
Во Тунис денеска се избира претседател, со еден претседателски кандидат во затвор
-
Кавадарчанка пријавила напад врз малолетниот син во угостителски објект со стаклени и други предмети
-
Во израелски напад врз џамија и училиште во Газа загинаа 24 лица, а 93 се ранети
-
Петнаесетгодишно момче избодено 50 пати со нож и живо запалено во Марсеј
-
Во прекин сообраќајот на патот Ресен – Охрид, кај планинскиот премин Буково
-
Српскиот премир Милош Вучевиќ утре во посета на Скопје
-
Честитка од Свештената бигорска обител до Архиепископот г.г. Стефан, по повод 25-годишнината од востоличувањето
-
Три млади лица загинаа во сообраќајна несреќа на патот Гњилане - Приштина