„Еко-живот” од Кавадарци со неколку проекти за заштита на животната средина
Да се испита загаденоста на почвата, да се влијае врз намалувањето на штетните ПМ 10 честички, отстранување на старите електрични апарати и истрошени батерии, помош при електроенергетска ефикасност за кавадарчани, се активностите предвидени со проектите на кои работат екологистите од Регионалниот еколошки центар „Еко-живот” од Кавадарци, а за кои синоќа информираше претседателот Роберто Паризов.
- Правиме напори конечно да се провери загаденоста на кавадаречката почва заедно со велешката, скопската и тетовската. Тоа е еден мошне значаен проект во кој како еколошко друштво, сме партнер на екологистите од „Вила Зора” од Велес. Со нив соработуваме и во активностите за подобрување на електроенергетската ефикасност во домовите на кавадарчани, а неколку семејства ќе добијат поддршка за инсталирање на сончеви колектори. Во акцијата пак за ослободување од старите електронски апарати и истрошените батерии, имаме поддршка од „Нула отпад”, појасни Паризов.
Тој потсети дека друштвото како член на Движењето на екологисти на Македонија, во досегашното работење има реализирано многубројни обуки и акции за зголемување на еколошката свест.
- Со новата локална самоуправа веќе разговаравме за Локалниот еколошки акционен план кој не е донесен дваесетина години, како и за Стратегија за заштита на животната средина, соопшти Паризов.
На прес-конференција, беа презентирани и еколошките активности на друштвото, кои подразбираат учество на млади екологисти во еколошки проекти во неколку други земји. Паризов најави дека работат и на Стратегија за намалување на аерозагаденоста во Кавадарци, со краткорочни и долгорочни мерки. Таа се изработува од стручен тим и ќе биде предадена во општината.
Ново на Сител
-
Апелација ја укина пресудата против Зекири
-
Се намалуваат цените на над 70 производи, Владата ја усвои есенската кошничка
-
По изготвување на Буџетот повисоки плати во образованието и здравството
-
Мицкоски: Нема да дозволам ултиматуми додека јас ја водам македонската Влада
-
Релаксирање на односите со соседите
-
Таравари: Уставниот суд избрза, спремавме Закон за правична застапеност
-
Општините го чекаат последниот ден за доставување на целосни документации за финансирање на проекти со кредитот од Унгарија
-
ЗНМ: Тужби кои се злоупотребуваат за цензура се најголем предизвик за новинарите