Една од ракетите, истрелани од Појасот Газа врз Израел удрила во градинка во градот Сдерот

Една од ракетите, кои во петокот беа истрелани од палестински радикали во Појасот Газа, удрила во детска градинка во пограничниот израелски град Сдерот, се наведува во денешното.соопштение на израелската армија.

„Истреланата во петокот ракета од Појасот Газа во јградот Сдерот ја погоди и оштети зградата на градинката. Тоа е доказ за уште еден обид да се наштети на невини граѓани во Израел", се посочува во соопштението..

Во петокот навече, палестински радикали истрелаа најмалку три проектили против Израел од Појасот Газа. Еднатаракета погоди градинка во Сдерот, втората падна на улица, предизвикувајќи штета на паркираните автомобили, а третата беше пресретната од израелскиот систем за ПВО „Железна купола". Никој не беше повреден во нападот.