Џорџ и Амал Клуни, наводно за 10 години ниту еднаш не се скарале
Џорџ Клуни веќе повеќе од 10 години е во брак со либанската адвокатка за човекови права, 16 години помладата Амал Клуни, а холивудската ѕвезда сѐ уште стои на своето тврдење дека никогаш досега не се скарале. Во емисијата „Си-би-ес морнингс“ (CBS Mornings), американскиот глумец повторно говореше за таа брачна идила.
– Се сеќавам дека еднаш бевме кај вас и рековме дека никогаш не сме се скарале. Сè уште не сме се скарале. Се обидуваме да најдеме причина да се караме… Имам неверојатна среќа што ја запознав оваа извонредна жена. Се чувствувам како „да го добив џекпотот“. Нема ден да не помислам дека сум најсреќниот човек на светот. Навистина е прекрасно, рече Џорџ.
Џорџ (63) и во претходното интервју за „Си-би-ес морнингс“ нагласи дека бракот со Амал е „најлесната работа во животот досега“. Амал, пак, која седеше до него, додаде:
– Тоа ги излудува некои наши пријатели. Имам братучед кој, секогаш кога ќе нè види, првото нешто што го прашува е: „Па, дали веќе се скаравте?“, пред да каже „здраво“.
Многу гледачи и следачи на интернет и овојпат јасно го изразија своето неверување и скептичност за таквиот совршено-хармоничен брак.
Џорџ и Амал се свршија во април 2014., а се венчаа на 27 септември истата година во ренесансната палата „Ка’ Фарсети“ во Венеција, Италија. Тие имаат две деца – близнаците Ела и Александар, родени на 6 јуни 2017 година.
Ново на Сител
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа
-
Лошиот квалитет на водата ги одложи маратонските трки на СП
-
Баро: Ќе воведеме санкции кон Иран ако до август нема напредок во нуклеарниот договор
-
Граѓанската иницијатива Зелен хуман град ја поздрави пресудата за убиството на кучето Феликс
-
Приведено едно лице од Куманово поради управување моторно возило под дејство на алкохол
-
Во Србија од октомври го зголемуваат минималецот на 500 евра