Две лица загинаа и три се повредени во експлозија на фабрика во Бајон-Франција

Две лица загинаа и три се повредени во експлозија на фабрика во Бајон, на југозападот од Франција, јавува дописникот на МИА од Париз.

Експлозиите се случиле во една фабрика која работи на сечење на метал, и која се наоѓа во индустриската зона. Медиумите наведуваат дека до експлозиите дошло еден од цилиндрите за ацитилен експлодирал и отскокнал во воздух, при што удрил во далновод за висок напон, кој при паѓањето најверојатно предизвикал пожар, бидејќи над еден дел од градот има многу чад.

Околу фабриката е создаден безбедносен појас, а евакуиарана е еден старски дом со стотина пензионери.