Свет
27. јуни 2016 - 17:38

Двајца загинати и над 80 повредени во експлозија на бомба на стадион

Најмалку две лица погинаа, а повеќе од 80 беа ранети во вчерашната експлозија на бомба на стадионот во Антананариво, главниот град на Мадагаскар, во текот на прославата на одбележувањето на Денот на независноста на земјата, соопшти жандармеријата.

Нападот се случил во попладневните часови на стадионот „Махамасина“, каде се одржувал концерт, а властите изјавуваат дека станува збор за терористички напад.

Концертот бил организиран во рамки на прославата на 26-годишнината од независноста од Франција, пренесуваат француските медиуми.

Првите луѓе на безбедносните служби минатата недела им се обратија на тамошните медиуми и најавија план за обезбедување на стадионот изјавувајќи дека кружат гласини дека прославата може да биде цел на напад.