ДСЗИ: Загадена храна од „Гала кујна“ причина за цревните инфекции кај децата во ФФМ
Согласно стручното мислење на ЈЗУ Центар за јавно здравје Скопје, затекнатата загадена храна од објектот „Гала кујна“ која во трпезарија на ФФМ ја консумирале седумте деца фудбалери е причина за појава на цревни инфекции кај нив, односно постои основано сомнение дека се работи за алиментарна токсоинфекција.
Ова го соопшти Државниот санитарен и здравствен инспекторат (ДСЗИ), кој изврши контролен инспекциски во врска со труењето со храна на децата.
Од ДСЗИ посочуваат дека во брисевите од работните површини во објектот на „Гала Кујна“ не се најдени патогени бактерии, како и во испироците од раце на вработените лица, како што покажуваат резултатите од микробиолошката анализа од земените примероци во Одделението за микробиологија при ЈЗУ Центарот за јавно здравје Скопје.
Земениот примерокот вода, како што се наведува, одговара на законските и стручни прописи, согласно Правилникот за безбедноста на водата, додека примероците на храна не одговараат за употреба согласно Правилникот за посебните барања кои се однесуваат на микробиолошките критериуми на храната за што е надлежна Агенцијата за храна и ветеринарство.
Со оглед на фактот дека од земените материјали од жива и нежива средина не се изолирани патогени бактерии, а при контролен инспекциски надзор констатирано е дека преземени се наложените мерки, симната е лентата за забрана за работа и објектот на „Гала Кујна“ и тој од утре ќе почне повторно со работа, истакнаа од ДСЗИ.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден