Дојави за поставени бомби во неколку сараевски средни училишта
Неколку средни училишта во Сараево утрово добија дојави за поставени бомби, а училиштата кои ги добија пријавите се евакуирани за да можат припадниците на Министерството за внатрешни работи на кантонот Сараево да извршат увид во просториите и да утврдат дали пријавата е лажна.
Како што објави порталот Кликс. ба (Klix. ba), ова е четврта недела по ред како дојави за бомби пристигнуваат во училиштата во Сараево, а полицијата истовремено апси осомничени.
Наставата во евакуираните училишта продолжува вообичаено, како и претходниот месец, и покрај тоа што родителите се незадоволни од таквиот начин на работа.
МУП на кантонот Сараево досега уапси најмалку 12 средношколци осомничени дека испраќале пријави за подметнати бомби, а според неофицијални информации осомничените се познаваат, па се смета дека се виновни и за лажни пријави во други градови.
Неколкумина уапсени се задржани во притвор, а против сите уапсени се поднесени кривични пријави. Кликс. ба наведува дека сите уапсени се малолетни, освен едно лице.
Се сомнева дека причина за масовните лажни тревоги е детската забава и интоксикација.
Ново на Сител
-
Ахмети му пиша на Мицкоски: Ситуацијата е сериозна
-
Борисов победник на изборите во Бугарија – Неизвесно формирањето на нова Влада
-
Од Скопје до Охрид ќе се патува за час и половина, интензивно се работи на Гостивар – Букојчани
-
Јокширски мост во Кратово пред распаѓање – се грижи ли државата за спомениците на културата?
-
Кочанчани го блокираа патот кој води кон депонијата
-
Работна група на ЗЕЛС ќе посредува со Владата за Струмица и Карпош да не ја напуштаат организацијата
-
СДСМ бара кривична одговорност за Христовски
-
Над 61.000 граѓани се пријавиле за бесплатна вакцина против грип - од денеска вакцинација и во старски домови