Додик: Србија и Република Српска се едно, границата е формалност
Србија и Република Српска се едно и затоа воопшто не е важно каде ќе биде повлечена формалната граница, изјави претседателот на српскиот ентитет во Босна и Херцеговина, Милорад Додик.
- Во нашата потсвест ние не ја признаваме границата, иако таа формално гледано постои во меѓународно-правна смисла, изјави Додик на собир во Невесиње.
Изјавата на Додик следи по најавата на Белград дека до крајот на годината ќе биде утврдена границата меѓу Србија и Босна и Херцеговина, која во основа е граница на Република Српска.
Додик нагласи дека границата меѓу БиХ и Србија треба да се корегира со тоа што кон српската територија ќе се припојат делови кои се витални за функционирање на сообраќајната инфраструктура на земјата, алудирајќи на делот од пругата Белград-Бар, што кај Штрепце влегува на босанска територија.
- Ние сме подготвени да го сторме тоа, Тука нема што да прават овие од Сараево. Ако ние во Република Српска го прифатиме тоа, тие треба да го ратификуваат, нагласи Додик.
Ново на Сител
-
Полагањето на државната матура почнува денеска со првиот екстерен испит
-
Без вода Чаир, Топанско Поле, Автокоманда, Железара, Бутел и Визбегово
-
Денеска и утре во Скопје авионска дезинсекција против комарци
-
Сончево и потопло, попладне можен краткотраен дожд и грмежи
-
Македонските фудбалерки со бод од гостувањето во Летонија ја завршија Лигата на нации
-
Гостиварчанец ја нападнал својата вонбрачна сопруга со метален предмет, а потоа ја силувал
-
Уапсен прилепчанец, криумчарел 13 кг тутун и текстил
-
Од актерство се живее ако многу се трудиш | Антонио Ташковски | ПРОфесија | Sitel Podcast 096