Добил отказ па се вратил со пушка: Работник убил две и ранил уште две лица, па се самоубил

Работник од Хјустон вчера отворил оган во зградата на својот поранешен работодавец бидејќи добил отказ, убивајќи две лица и ранувајќи уште две, пред себеси да си го одземе животот, пукајќи си во глава.

Страшното злосторство се случило вчера во раните утрински часови во овој град во државата Тексас.

Од канцеларијата на шерифот изјавија дека еден од повредените е полицаец.

Мажот добил отказ вчера утрото, а потоа се вратил во зградата носејќи пушка и пиштол.

По пукањето се затворени и околните училишта, кои се наоѓаат спроти зградата на транспортната фирма во која се случила несреќата.