До петок многу топло, в сабота можни краткотрајни поројни врнежи

Под влијание на многу топла воздушна маса до петок ќе преовладува сончево и многу топло време. Максималните температури насекаде ќе бидат над 30 степени, a во југоисточните делови од земјава ќе достигнат и до 40 степени.

Како што информира УХМР, во петок и особено во сабота претежно во попладневните часови ќе има зголемена облачност и услови за локална нестабилност со краткотраен пороен дожд и грмежи.