ДКСК ќе го одбележи Меѓународниот ден за борба против корупцијата

Државната комисија за спречување на корупцијата (ДКСК) денеска ќе го одбележи Меѓународниот ден за борба против корупцијата.

Како што информираат од ДКСК, настанот има за цел да ја потврди континуираната, одлучна и непоколеблива борба против корупцијата и да ги истакне клучните активности и предизвици во оваа сфера.

На настанот ќе се обратат Адем Чучуљ, претседател на Државната комисија за спречување на корупцијата, Африм Гаши, претседател на Собранието на Република Северна Македонија, Кристоф Зомер, амбасадор на Швајцарија, Ола Сулстром, амбасадор на Шведска, Бен Нупнау, заменик-шеф на Делегацијата на Европската унија во Северна Македонија, Едвард Андерсон, шеф на Одделот за сигурност и поддршка на заедниците на Мисијата на ОБСЕ во Скопје, Александар Кржаловски, претставник на граѓански сектор од Македонски центар за меѓународна соработка.

Настанот ќе се одржи во Клубот на пратениците во Скопје.

МИА