Димитров: Успехот не е само да се тргне бугарското вето, туку и начинот на кој ќе се направи тоа
Никола Димитров, поранешниот вицепремиер и поранешен министер за надворешни работи, во гостувањето на Тема на денот во Дневникот на Сител, во врска со претстојната заедничка седница меѓу македонската и бугарската влада во Софија смета дека се брза во спорот, дека ова е став на новата Влада, дека нема ништо поврзано со претходната.
-Мислам дека се брза во спорот, ова е целосен став на новата влада, не е поврзано со претходната, рече Димитров.
Според Димитров, претходниот став бил дека „ова е пакет“.
-Ако ги тргнеме елементите ќе биде потешко за компромис. Во вторникот се потврди дека само Македонија направи отстапка. Мора по лекциите од минатото да не правиме еуфорија и да бидеме внимателни. Тешките теми остануваат. Успехот не е само да се тргне бугарското вето, туку и начинот на кој ќе се направи тоа. Не мислам дека проблемот ќе се реши, ако се преправаме, вели Димитров во гостувањето на Тема на денот во Дневникот на Сител.
Поранешниот министер додава дека е важно да се повторува дека постои македонски јазик и македонско малцинство во Бугарија.
-Јазикот мора да стои чисто во преговарачката рамка, истакнува Димитров.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка