Дие Велт: Спорот за Пиранскиот залив може да ја приближи Хрватска кон Полска и Унгарија
Германскиот весник Дие Велт предупредува дека спорот меѓу Хрватска и Словенија околу Пиранскиот залив, иако бизарен, може да предизвика криза во Европската унија. Кризата меѓу двете земји ескалираше неделава, откако Словенија почна да ја применува арбитражната одлука и да ги протерува хрватските бродови од пограничните територијални води кои ги смета за свои.
- Хрватска и Словенија со години жестоко спорат околу неколку квадратни метри море, и тоа не море со некои од убавите јадрански плажи туку област која им служи само на неколку рибари. Двете соседни земји опасно се конфронтираат, а оваа долготрајна кавга може да ескалира по одлуката на Словенија да ја имплементира арбитражната одлука, пишува германскиот весник, потенцирајќи дека Хрватска не ја признава одлуката на арбитражниот суд кој и го додели спорниот дел од морето на Словенија.
Дие Велт оценува дека спорот околу Пиранскиот залив е дел од територијалните спорови кои се јавиле по распадот на Југославија и дека кавгата меѓу Хрватска и Словенија може да се одрази на кревкиот мир на Балканот. Но, весникот вели дека спорот може да има и посериозни последици, имајќи предвид дека двете држави се членки на ЕУ. Според Дие Велт, можно е во рамките на спорот Словенија повторно да ги заостри граничните контроли кон Хрватска, која се уште не е членка на Шенгенскиот договор, што би имало сериозни последици по хрватскиот туризам.
- Познавачите на состјбите во Брисел се загрижени дека инсистирањето на Европската комисија Хрватска да ја признае арбитражната одлука ќе биде сфатено како пристрасност на ЕУ во полза на Словенија и може дополнително да ја приближи Хрватска во сојуз со националистичките партии во Унгарија и Полска. Таков развој на настаните би претставувал поставување експлозив под европскиот проект, пишува Дие Велт.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош