Ди Матео ќе ја враќа А.Вила во елитата

Фудбалскиот клуб Астон Вила потврди дека нов тренер на тимот е Италијанецот Роберто ди Матео.

 

„Чест ми е што станувам менаџер на тим со голема историја. Му се радувам на овој предизвик, ќе се обидеме Астон Вила да ја вратиме таму каде што припаѓа“, рекол Ди Матео кој со клубот од Бирмингем потпиша двегодишен договор.

 

Астон Вила, екипа која има една титула во Купот на европските шампиони, наредната сезона ќе се натпреварува во Чемпионшип дивизијата, откако испадна од Премиерлигата.

 

Ди Матео во 2012 година му ја донесе на Челзи единствената титула европски шампион, а во кариерата работел и во МК Донс, Вест Бромвич Албион и Шалке.