-->
-->
Детроит подобар од Оклахома во дербито на ноќта на НБА лигата
-->
Екипата на Детроит славеше победа над Оклахома во дербито на вечерта во НБА лигата. Популарните „Пистонси“ на гостински терен ги совладаа „Тандерс“ минимално со 99-98.
Иако домашниот тим тричетвртини имаше постојано предност, а најголемата изнесуваше и 15 поени разлика, сепак гостите во последниот период влегоа со поен негатива. Завршните дванаесет минути се играше израмнето, а на крајот Оклахома имаше напад за победа, но обидот за три на Расел Вестбрук на секунда до крајот не ја погоди целта. Вестрбук средбата ја заврши со трипл-дабл од 27 поени и по 11 скокови и асистенции, но тоа не му помогна на неговиот тим да го избегне десетиот пораз. Во победата на Детроит шестмина играчи средбата ја завршија со двоцифрен број на поени, а најмногу 17 имаше Андре Драмон, кој придодаде и 14 скокови.
Детроит со „скор“ од 12 победи и 6 порази е на второто место во Источната конференција зад Бостон (17-3), кој синоќа го совлада Орландо со 118:103, а најефикасен беше Кајри Ирвинг со 30 поени.
И минатогодишните финалисти, Голден Стејт и Кливленд остварија победи.
Шампионот Голден Стејт ја оствари 14-тата победа сезонава, откако убедливо со 143-97 го совлада Чикаго. Стеф Кари со 33 и Клеј Томпсон со 29 поени беа најефикасни во победничката екипа.
Леброн Џејмс со „трипл-дабл“ од 27 поени, 16 скока и 12 асистенции го предводеше Кливленд во тешко остварениот триумфот на домашен терен против Шарлот со 100:99. Поддршка за Џејмс беше Кевин Лав со „дабл-дабл“ од 11 поени и 13 скока. На другата страна Двај Хауард се истакна со 20 поени и 13 скока и влезе во листата на играчи со најмногу дефанзивни скокови во историјата на НБА лигата.
-->
-->
-->
Ново на Сител
-
Роднини од Врапчиште туркале судија и не му дозволиле да изврши увид
-
Ѝ се заканил на судијка дека ќе ја убие, ОЈО поведе постапка
-
Во Дебар поставен транспарент „Албанците се понижуват до таму што се гази и крвта на паднатите борци! Врати се команданте, Али Ахмети!“
-
Заборави на рата, фиксирај со плата – Нов кредит до 300.000 денари во „ФЛЕКС КРЕДИТ“
-
Секое дете заслужува да расте со ЉУБОВ – хуманитарна кампања во НЕПТУН
-
Сител Телевизија вработува новинар во веб редакцијата
-
Електронско аплицирање за ученички стипендии до 15 октомври
-
Јаневска: Се разговара со синдикатот за повисоки плати на наставниците