Ден на жалост во Турција, во знак на солидарност со Египет

Во Турција утре е ден на жалост, во знак на солидарност со Египет, во чест на жртвите од терористичкиот напад на џамија во Синај, соопштија турските власти. 

Националното знаме на Турција ќе биде поставено на половина копје и во земјата и во дипломатските претставништва во странство.

Во најголемиот атентат во историјата на Египет, извршен завчера врз џамија во египетскиот град Ариш, загинаа 305 лица, меѓу кои 27 деца.