Дебарските гимназијалци го бојкотираа првиот училишен ден, утре ќе протестираат
Учениците од Средното општинско училиште „28 ноември“ во Дебар, денеска го бојкотираа почетокот на учебната година.
Како што претходно најавија тие бараат настава со физичко присуство на учениците, зашто сметаат дека во нивното училште ги има сите услови за тоа.
-Сите професори точно на време беа во кабинетите подготвени за почеток на онлајн наставата. Ги вклучија компјутерите, но за жал од другата страна не се вклучи ниту еден ученик. Дополнително на тоа, нам, како управа, ни најавија дека утре заедно со нивните родители ќе протестираат пред гимназијата, изјави за МИА, директорот Рамадан Имери.
Во ова единствено средно училиште во општината, заедно со подрачните паралелки во село Могорче, настава на македонски и албански наставен јазик следат 584 ученици, од нив 156 во прва година, сите гимназиска насока.
Општина Дебар не доби согласност за организирање настава со физичко присуство на учениците во ниту едно училиште, чиј основач е Советот на општината, што подразбира три деветолетки и гимназијата.
Според Решат Ќормемети, одговорен за образование во локалната власт, врз основа на одлуката на МОН наставата во основните училишта почнала без проблеми за учениците од прво до трето одделение со физичко присуство,додека за останати онлајн.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка