Црногорската Влада бара помош од НАТО

Владата на Црна Гора побара помош од НАТО за борба против новиот коронавирус во вид на санитетски материјал.

Барањето е испратено до Евроатлантскиот центар на НАТО за координација на одговори за справување со катастрофи (ЕАДРЦЦ) и од сите членки на Алијансата се бара да помогнат доколку се во можност со над 5,6 милиони хируршки маски, околу половина милион маски со П2 и П3 филтри, околу 6,5 милиони ракавици, околу 250.000 очила и визири, над 336.000 хируршки мантили, 150.000 водоотпорни мантили и престилки, како и еден милион хируршки капи за еднократна употреба.

Освен тоа, се бараат и 320 респиратора, 20 бронхоскопа, 40 ларингоскопи, 20 аспиратора, 50 ЕКГ апарати и два дефибрилатора.

НАТО како организација не поседува резерви на респиратори и друга медицинска опрема, но помага на други начини, како што е логистика и транспорт.