Фудбал
14. September 2016 - 13:56

Чеферин нов претседател на УЕФА

Словенецот Александар Чеферин денеска е избран за нов претседател на Европската фудбалска унија (УЕФА) на Конгресот на оваа организација во Атина.
 
Тој доби 42 гласа од 55 земји-членки на УЕФА и убедливо го победи ривалот од Холандија, Мајкл Ван Прага.
 
Чеферин на чело на УЕФА го наследува Мишел Платини, кој беше принуден да се повлече по суспензијата поради корупција.
 
Фудбалската федерација на Македонија својот глас го даде на сега веќе новиот претседател на УЕФА кој се заложи за поддршка на Балканската лига.