Буџетските КОВИД-мерки се укинуваат, од оваа ставка скратени 620 милиони денари
- Министерката на финансии Гордана Димитриеска Кочоска денеска соопшти дека од КОВИД-мерките во Буџетот, што ги креирала претходната Влада, се скратени 620 милиони денари.
КОВИД-мерките, како што рече Димитриеска Кочоска на прес-конференција, веќе не треба да постојат зашто короната е веќе минато и одамна зад нас.
-Комплетно се скратени 620 милиони денари од КОВИД-мерките предвидени во Владата и повеќе нема што да стои таква мерка - „КОВИД“. КОВИД-от е одамна зад нас и им кажав на моите вработени во Министерството, веќе таков опис да не постои. Нема што да зборуваме за КОВИД во 2024 година, рече Димитриеска Кочоска, одговорајќи на новинарски прашања.
Во врска со ЕСМ, министерката информира дека државата ќе плати еден дел од гаранцијата што на компанијата и доспева во август. Повеќе од тоа, додаде, нема да има трансфер од Буџетот за ЕСМ.
-Еден дел од гаранцијата која им доспева во август ќе платиме ние, останатиот дел ги задолживме да го платат сами. Ќе можат, таму различни ни се ставовите, тие имаат еден став. Во овој момент повеќе од тоа нема да има трансфер од буџетот за ЕСМ, потенцира Димитриеска Кочоска.
Ново на Сител
-
НОБ пред софиската публика
-
Следната недела ќе се знае дали ќе има замрзнување на цените или намалување на маржата на производите
-
Позитивни очекувања по средбата Сиљановска-Радев во Софија
-
Двајца пилоти загинаа при пад на авион за време на вежба во Бугарија
-
Тема на денот со Зоран Љутков, министер за култура
-
Прва средба Сиљановска – Радев во Софија, ќе успее ли културната дипломатија
-
Приведени 4 лица меѓу кои и познат струмички бизнисмен осомничени за милионски криминал
-
Потенцијалниот судир на двата авиони над македонското небо е сериозен инцидент