Братот на исчезнатиот Мартин: Потрагата ќе заврши денес, апел до МНР и Владата да најдат начин да продолжи

Четврти ден од потрагата по третиот исчезнат Македонец, Мартин. На социјалните мрежи се огласи неговиот брат, Горан Јовановски кој побара помош од македонското Министерството за надворешни работи и Владата.

„Јас сум братот на Мартин и упатувам благодарност до ОФКАТ екипата спасувачи од Грција и до Генералниот конзулат во Солун, кој изминативе три дена се заедно со нашето семејство во потрага по нашиот Мартин. Мојата мајка и нашето семејство и пријатели сè уште веруваме и се надеваме дека Мартине е жив и ја чека нашата помош. Затоа апелираме до Македонската Влада и нашето МНР да помогнат да се најде начин да продолжи истрагата по Мартин бидејќи според грчките закони потрагата од нив ќе заврши денеска на четвртиот ден. Затоа апелираме Владата да помогне и молиме македонските граѓани да помогнат доколку се во можност, а за чија помош би можелка Владата да организира некаква акција. Не смееме да дозволиме да се откажеме сè додека не се пронајде Мартин“, напиша Горан.