Богојавленскиот крст во Виница го фати Даниел Манасиев
Дваесет и тригодишниот Даниел Манасиев од Виница годинава по десетти пат скокаше по светиот крст на празникот Водици и по втор пат успеа да го извади од осветените води на Виничка Река. Заедно со него скокнаа уште 15 момчиња, но тој беше најбрз и најснаодлив, па без проблем го фати крстот во студената вода.
Кај месноста Ширината се собраа многу православни верници кои го проследија водосветот и чинот на скокањето во реката, а Манасиев кој е на привремена работа во странство, рече дека големите верски празници ги поминува во родниот крај у ги чествува согласно верувањата и убедувања.
– Сакам да упатам силна порака до младите, да го следат Божјиот пат, бидејќи многумина веќе го напуштија, а лошото однесување не најавува убава иднина. По 2017 година, еве и оваа годинава ми се оствари најголемата желба, соединувањето со Бога преку фаќањето на светиот крст, истакна Манасиев.
Честитки за празникот упатија свештените лица од храмот „Св. Архангел Михаил“, кои Манасиев го даруваа со икона, градоначалникот Ивица Димитров ја продолжи традицијата подарувајќи му лаптоп, а за првпат годинава награда обезбеди и Здружението на занаетчиите од Виница.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица