Богдановски: Изградбата на монтажен паркинг во Центар е манипулација на градоначалникот

Советникот од општина Центар од редовите на ВМРО-ДПМНЕ, Горан Богдановски денеска обвини дека градоначалникот на општината не ги реализирал најголем дел од ветувањата и оти повторно ги манипулира граѓаните со најавата за изградба на монтажен паркинг.

- Дебармаалци знаат дека монтажниот паркинг е уште едно неговорење на вистината на Жерновски и СДС, која претставува обид за манипулација на граѓаните пред изборите. Жителите на Дебар Маало знаат доколку Жерновски се грижеше за нив, немаше да чека четири години, за да почне да ветува нешто кое би го направил, туку истото одамна ќе го направеше, изјави Богдановски.

Според него, градоначалникот Жерновски пред четири години им ветил на граѓаните два монтажни паркинзи, едниот во Капиштец и другиот кај Југодрво, но досега не е направен ниту еден.