БМВ отпушта 6.000 луѓе и ја откажува соработката со Мерцедес-Бенц
Германскиот автомобилски гигант БМВ годинава ќе отпушти 6.000 од своите 120.000 вработени, поради последиците од пандемијата на коронавирусот, и ќе ја прекине соработката со Мерцедес-Бенц за развој на самовозечки возила.
Во заедничката изјава на двајцата производители на автомобили се посочува дека, со оглед на трошоците за воспоставување заедничка технолошка платформа и општите економски околности, не е вистинско време за вакви инвестиции.
– Ни требаат дополнителни мерки за да ја направиме групата БМВ поотпорна на надворешните влијанија и флуктуациите на пазарот, се вели во соопштението на БМВ.
БМВ, како и повеќето ривали, се соочува со последиците од пандемијата што сериозно ја намали продажбата на автомобили.
Во првиот квартал од годинава, баварскиот гигант продаде 477.000 возила, што е за 21 процент помалку од истиот период минатата година. Компанијата мораше да затвори неколку фабрики за неколку недели заради спроведување на мерките за спречување на ширењето на заразата.
Минатиот месец, БМВ соопшти дека ги намали планираните инвестиции за оваа година од планираните речиси шест милијарди евра на помалку од четири.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден