Блуши: Хакиран телефонскиот број на претседателот Мета, ќе бараме и меѓународна истрага
Хакиран е мобилниот телефон на албанскиот претседател Илир Мета и злоупотребен со испраќање смс пораки како да се од него, информираше портпаролот Теди Блуши.
Осудувајќи го овој чин, рече дека тоа се очајни дела на оние кои ги „купиле и украле пратеничките мандати”.
-Во име на претседателот на Република Илир Мета најостро го осудувам кривичното дело злоупотреба на телефонски пораки, наводно во име на шефот на државата, од страна на некои идентификувани лица, кои според дадените податоци, деновиве испраќаа пораки со навредлива и заканувачка содржина упатена до некои граѓани. Овие очајни дела се авторство на оние кои ги купија и украдоа мандатите на пратениците на 25 април и сега тие не можат да уживаат во нив. Се извинуваме на сите граѓани кои добиле вакви пораки, изјави Блуши.
Тој најави дека ќе за овој случај ќе побараат и меѓународна истрага.
-За овој криминален скандал за злоупотреба на телефонскиот број на претседател на Републиката ќе побараме итна и меѓународна истрага, затоа што доколку нашите институции беа функционални никој не би се осмелил да изврши толку луди и законски казниви дела што би можеле да ги загрозат националната безбедност на Република Албанија, земја членка на НАТО, додаде тој.
Според него, пораки со различни содржини, на незадоволство од начинот на кој тие постапувале на овие избори, главно биле испратени до пратениците на опозициското Движење за социјалистичка интеграција и на Демократската партија.
-Откако пратениците вратиле одговор, сфатиле дека тоа не е порака испратена од самиот претседател, туку дека неговиот службен личен телефонски број е хакиран, посочи Блуши.
Ново на Сител
-
Од понеделник благо опаѓање на температурите и краткотрајни поројни врнежи
-
Град Скопје: Немаме надлежност за дератизација или постапување во случаи со змии, други влекачи или глодари
-
Со над 20 тони вода дејствувано врз пожар во Кичевско
-
Загина 30 годишна Македонка во сообраќајна несреќа Солун, повредени уште три лица | ВИДЕО
-
Цистерна се извртела на автопатот Градско - Велес, сообраќајот пренасочен по стариот пат
-
Жител на Општина Студеничани му се заканувал на својот сосед со гасен пиштол и стрелал во воздух
-
Без струја Тирана и повеќе други градови во Албанија
-
Борел: Европа не е целосна без Западен Балкан