Блумберг вложува уште 15 милиони долари во кампањата на Бајден во Охајо и Тексас
Американскиот милијардер Мајкл Блумберг одлучи да вложи дополнителни 15 милиони долари во промоција на претседателскиот кандидат на демократите Џозеф Бајден во сојузните држави Охајо и Тексас.
Блумберг, кој е поранешен градоначалник на Њујорк, веќе вложил 100 милиони долари од своето богатство, со цел да му помогне на Бајден на изборите на 3 ноември во сојузната држава Флорида да го победи актуелниот претседател на САД, Доналд Трамп.
Со реклами во Тексас и Охајо, за кои Блумберг издвојува финансиски средства, демократите ќе го критикуваат управувањето на Трамп со кризата предизвикана од пандемијата на коронавирусот. Во Охајо ќе има и реклами кои ќе го промовираат планот на Бајден за нови инвестиции.
Во фокусот на кампањата во САД се наоѓаат мал број сојузни држави кои всушност го одлучуваат резултатот на изборите поради специфичноста на американскиот изборен систем.
До пред неколку недели се сметало дека Трамп речиси извесно ќе ги освои Тексас и Охајо, но анкетите сега предвидуваат тесен резултат меѓу двајцата противкандидати.
Победникот на изборите не го одлучува вкупниот број на гласовите на ниво на цела земја, туку бројот на таканаречените електори, кои ги добиваат кандидатите во секоја од 50 сојузни дрќави и во Дистриктот Колумбија. Победник на изборите е кандидатот кој ќе освои најмалку 270 од 538 електори.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка