Блиска соработничка на Трамп поднесе оставка

Повеќегодишната соработничка на американскиот претседател Доналд Трамп, Омароса Маниголт Њуман поднесе оставка на функцијата советничка на шефот на државата за односи со јавноста, соопшти денеска Белата куќа.

 

Во соопштението се посочува дека Њуман поднела оставка „со намера да разгледа други можности во кариерата“.

 

Позната во јавноста само по лично име Омароса, таа беше една од ретките афроамерикански соработнички на Трамп. Пријателството со Трамп таа го почна со нејзиното учество во реалното шоу на Трамп „Приправникот“ во 2004 година.

 

Оттогаш Трамп и Њуман соработуваа на телевизиски проекти, а по неговата победа на претседателските избори, таа стана дел од тимот на Белата куќа