Библиско невреме ја погоди Кенија: Пукна брана, водата однесе најмалку 27 животи

Најмалку 27 лица загинаа во кенискиот град Солај кога после повеќенеделни обилни врнежи дожд пукна брана, сооштија денеска локалните власти.

Стотици куќи се уништени, а повеќе стотици луѓе морале да ги напуштат своите домови.

- Пронајдовме тела на 27 лица, а многумина се водат како исчезнати. Ова е катастрофа, изјави шефот на локалната полиција Џозеф Киоко.

Браната пукна синоќа во Солај во областа Накуру, на 190 километри северозападно од Најроби.

Кенискиот Црвен крст и службата за вонредни ситуации досега спасиле околу 40 лица и ги префрлиле во болница.

Се стравува дека многу луѓе се уште се заробени во калта.